As maneiras

Ao botar a andar, é bo que nos guiemos por unha carta de ruta, para non perdernos. É bo ollar arredor e saber onde estamos en cada momento, polo que resulta necesario encadrar este proxecto no marco da Programación Didáctica do Departamento e do Currículo da materia de LGL, publicado no Decreto 86/2015. Para isto, no final do documento recóllense os Obxectivos que perseguimos, os Contidos que abordaremos, así como os Mínimos con respecto aos Estándares de aprendizaxe avaliables e a súa relación coas Competencias Clave. Todo, no apartado O marco.

Finalmente, para realizar a nosa viaxe precisamos un temporizador que nos lembre que o tempo pasa e uns Instrumentos e Procedementos que nos permitan avaliar o aprendido en cada momento, para poder, a través dos mesmos, sinalar os Índices de logro para cada Actividade, unhas veces mediante a Avaliación por parte da persoa docente, outras mediante a Coavaliación e sempre mediante a Autoavaliación por parte do propio alumnado.

TEMPORALIZACIÓN (TODO O CURSO). Procuraremos esta distribución do traballo:

1ºESO (4h.)	LGL
1 hora semanal	Entrega da GUÍA (Comunicación oral: escoitar e falar) Ø  Explicación de contidos básicos e discusión na aula arredor dos mesmos. Ø  Indicación das tarefas a realizar arredor dos mesmos
1 hora semanal	Produción de textos (Comunicación escrita: ler e escribir) Ø  Entrega e/ou proxección de textos relacionados cos contidos traballados Ø  Produción de textos semellantes
1 hora semanal	Lectura na aula (Literatura e Funcionamento da Lingua) Ø  Realización da lectura A volta ao mundo en 80 días Ø  Debate, comentario e realización de actividades relacionadas co Funcionamento da Lingua a través da lectura realizada
1 hora semanal	Traballo de investigación (Lingua e Sociedade) Ø  Procura na rede de información, seguindo as pautas dadas. Ø  Elaboración da información obtida, respectando un guión dado. Ø  Creación dunha presentación, combinando distintos tipos de textos. Ø  Exposición oral na aula dos resultados da investigación realizada, apoiándose nas TICs para proxectar o produto final.

Ao longo dos trimestres iremos realizando as exposicións orais na aula. Ademais cada trimestre o alumnado realizará dúas lecturas fóra da aula. E, na penúltima semana de cada trimestre, dedicaremos unha sesión á realización da proba escrita. Finalmente, nas dúas últimas semanas de cada trimestre elaboraremos o Produto do noso Proxecto: 

Ø  1º trimestre: Mural co Mapamundi.

Ø  2º trimestre: Guía para a Saída Didáctica

Ø  3º trimestre: Saída Didáctica para desenvolver unha situación de aprendizaxe real.

PROCEDEMENTOS E INSTRUMENTOS DE AVALIACIÓN COS SEUS CRITERIOS DE CUALIFICACIÓN

Procedementos de Avaliación	Instrumentos de Avaliación
Ø  Escoita activa na aula Ø  Intervencións adecuadas Ø  Participación en conversas, charlas, diálogos, debates... Ø  Observación directa Ø  Gravacións Ø  Autoavaliación Ø  Coavaliación	Ø  Rexistro de intervencións na Libreta de Alumnoas (10%) Ø  Lectura na aula de A volta ao mundo… (10%) Ø  Exposición oral do traballo de investigación na aula (10%)
Ø  Lectura comprensiva e expresiva da obra na aula Ø  Produción de novos textos Ø  Creación de produtos artísticos Ø  Adquisición de novo léxico, retención dunha expresión correcta e identificación das clases de palabras a partir da lectura da obra. Ø  Autoavaliación e Coavaliación	Ø  Cartafol para recoller as producións escritas do alumnado (10%) Ø  Elaboración dun traballo de investigación (10%)
Ø  Investigación arredor do Proxecto A volta ao mundo en 80 linguas	Ø  Produto/s do Proxecto (20%)

ÍNDICES DE LOGRO PARA CADA TAREFA (indícanse en cada Tarefa)